top of page

Fitusog

Nú er fitsogsaðgerðin búin og þú ert eflaust eftir þig. Um fremur stóra aðgerð er að ræða þó það sjáist ekki utaná.
Til að árangurinn verði sem bestur er gott að þú farir eftir þessum leiðbeiningum

Lýtalæknar

Leiðbeiningar eftir fitusog

  1. Litlu skurðirnir hafa umbúðir í tveimur lögum. Innst eru þunnir plástrar og utaná er umbúðapúði sem tekur við deyfingarvökvanum sem kemur út fyrsta sólarhringinn, yfirleitt nokkuð ríkulegt magn. Vökvinn er rauður, sem er eðlilegt, en ekki er um blóð að ræða. Eftir 2 daga má taka burt ytri umbúðirnar, en þær innri (teipið) á að sitja á sínum stað fram að endurkomutíma hjá Andra.

  2. Teipið þolir vatn, svo á þriðja degi skaltu fara í sturtu eftir að hafa fjarlægt umbúðapúðann (ytri umbúðirnar). Góð sturta fækkar bakteríum á húðinni, og minnkar því líkur á sýkingu. Eftir sturtuna geturðu þurrkað teipið með hárþurrku og svo geturðu farið aftur í brjóstahaldarann.

  3. Stuðningsflíkin á að sitja á sínum stað allan sólarhringinn fyrstu þrjár vikurnar, og svo að degi til næstu þrjár. Undantekningar eru klósettferðir og þegar þarf að þvo flíkina. Stuðningsflíkur má finna meðal annars hjá Fastus (www.fastus.is). Eftir það má bera hana meðan það er þægilegt.

  4. Farðu vel með þig vikurnar eftir aðgerð. Mundu að þó svo skurðirnir séu stuttir, þá leynist stórt sárasvæði undir húðinni. Reiknaðu með að vera þreytt/ur meðan þú ert að gróa, þó svo ekkert sjáist utan á líkamanum.

  5. Þú skalt vera á fótum, en forðast alla líkamlega áreynslu fyrr en allt er gróið og bólgan hefur sest. Endurkomutíminn er bókaður eftir ca. viku. Í honum athugum við hvort gróandinn í skurðunum sé eðlilegur og gætum að sýkingareinkennum. Ekki er ráðlegt að sleppa þessum tíma, sama þó allir saumar séu undir húðinni.

  6. Eftir um 3 vikur máttu fara að nudda svæðið sem var meðhöndlað til að mýkja það og slétta út fituna sem varð eftir. Nudda skal nokkuð þétt, tvisvar á dag.

  7. Ef allt í einu tekur að vessa úr einhverjum skurði, það myndast roði og verkur, eða þú færð hita skaltu hafa samband við Andra. Fremur auðvelt er að greina mögulega sýkingu gegnum síma (ljósmyndir / video). Ef þörf krefur kallar Andri þig til skoðunar á stofu og ávísar sýklalyfjum. Þér verður svo fylgt eftir þar til sýkingin er horfin. Vinsamlegast athugið að sýklalyf eru aldrei gefin fyrirbyggjandi, það eykur bara líkurnar á að rækta fram ónæmar bakteríur.

  8. Lykilatriði varðandi árangur er að þú þyngist ekki fyrsta árið eftir aðgerð. Yfirborðið verður þá hrufótt, dældir og ásar myndast. Muna þarf þó að yfirborðið sem meðhöndlað er verður aldrei rennislétt. Þú getur spurt nánar út í þetta í endurkomutímanum.

  9. Ef í nauðirnar rekur má senda SMS eða hringja beint í Andra: 853 5403

  10. Mundu að endanlegur árangur aðgerðarinnar kemur ekki í ljós fyrr en að minnsta kosti 9 mánuðir hafa liðið frá aðgerðardegi.

Stuðningsflíkur
bottom of page